Real Madrid ishte superior në barazimin e tyre ndaj Barcelonës në “Camp Nou” dhe statistikat e ndeshjes konfirmojnë dominimin e tyre.
Lojtarët e drejtuar nga Zidane, kaluan më shumë kohë në zonën e kundërshtarëve dhe mund të merrnin lehtësisht tre pikët nga ajo ndeshje.
Pesë pikat që shpjegojnë si Los Blancos arritën të kontrollojnë Klasiken:
- Real Madrid kishin afërsisht dyfishin e gjuajtjeve krahasuar me Barcelonën (11 gjuajtje, katër prej tyre në kuadrat, ndërsa Barcelona 5 gjuajtje, dy në kuadrat.
- Shumica e lojës u luajt në pjesën e katalanasve (më shumë se 60% në 90 minutat)
- Real Madrid pati katër herë më shumë krosime në zonën e penalltisë (32 herë krahasuar me tetë krosimet e Barcelonës)
- Miqtë rikuperuan më shumë topa se Barcelona ( 55 krahasuar me 51 topa të rikuperuar për Barcelonën)
- Reali pati 3 herë më shumë goditje këndi se Barcelona (6-2)
Pavarësisht se nuk mundën të reagojnë për shumicën e lojës, Barcelona arriti ta mbajë kontrollin e topit në 52.3% krahasuar me 47.7% të Realit të Madridit.
