Ndaj Sevillas për të fituar për herë të 12-të në historinë e klubit Superkupën e Spanjës. Barcelona është gati për përballjen e parë ndaj skuadrës andaluziane që do të zhvillohet këtë të Dielë në Ramon Sanchez Pizjuan. Trajneri i blaugranave Luis Enrique e di që ndaj skuadrës së Jorge Sampaolit, Barcelona nuk do ta ketë thjeshtë.
” Kjo është Seville e ndryshme pasi ata kanë bërë shumë ndryshime në skaudër. Sampaoli për shembull ka filozofinë e tij si trajner që të them të drejtën mua më pëlqen shumë. Sevilla është përforcuar me shumë lojtarë cilësorë dhe do të vazhdojë të jetë një skuadër e rëndësishme në La Liga dhe në Europë. E sigurtë është që do të zhvillohet një ndeshje e bukur. Për ne misioni për të fituar Superkupën e Spanjës trofe që i mungon Barcelonës që prej vitit 2013-të nuk do të jetë i lehtë sepse përballë kemi një kundërshtar shumë të fortë”.
Më pas Luis Enrique i bëri analizë gjëndjes aktuale në të cilën ndodhet skuadra e tij ndërkohë që dha një mendim edhe për vendimin e Lionel Messit për tu rikthyer në kombëtaren argjentinase.
” Nuk jemi ende në ritmin e duhur por mendoj se kemi bërë një fazë përgatitore të mirë. Vimë në këtë ndeshje ashtu sic e kishim parashikuar. Këtë vit nuk kemi bërë udhitime të gjatë nëpër Botë të cilat në një farë mënyre i torturojnë futbollistët. Vitin e kaluar vepruam ndrushe dhe fillimi i sezonit ishte i vështirë për ne. Messi? Për mua personalisht të shoh Messin të luajë futboll është gjithmonë një lajm i mirë dhe nuk ka fare rëndësi se cfarë fanelle mban veshur”.
