Një apartament në fshatin Libonik të Maliqit është përfshirë nga flakët mëngjesin e sotëm.
Policia thotë se ngjarja ka ndodhur rreth orës 09:10 në katin e katërt të një pallati.
Nga të dhënat paraprake të policisë rezulton se si pasojë e zjarrit është asfiksuar shtetasi me iniciale F.T rreth 50 vjeç, i cili është transportuar në spitalin rajonal të Korçës për të marrë ndihmën nevojshme mjekësore, nga ku mësohet se ndodhet jashtë rrezikut për jetën.
Ende mbeten të paqarta shkaqet e zjarrit. Grupi hetimor po punon për zbardhjen e rrethanave të ngjarjes.
