Nga Hekuran Vladi-Lura
Në këtë moment, në ish zyrën e propagandës në Komitetin Qendror të PPSH po aktrojnë një tufë hipokritësh, duke debatuar për një ligj që dëmtoka fjalën e lirë në Shqipëri.
Iu drejtohem këtyre dhe të gjithë atyre që kane mbajtur ison e kësaj tallavaje, sa më poshtë:
Fjalën e lirë e ka futur krimi i organizuar në fund të kësaj zgavrës, që shihni në foto.
Ajo, që them më sipër, është përgjithësuese dhe e vërtetë edhe në rastin konkret.
Është një nga shpellat e Bulqizës, që shfrytëzohet nga krimi i organizuar.
Një nga këta shfrytëzues quhet Samir. Ia ka “blerë” një kompanie turke për një shumë rreth $10 milionë, e cila ishte sa TVSH e parimbursuar për eksportet e kësaj kompanie.
Kur u “ble” në 2011, mediat flinin me batanie tek Pusi D, ose në Qafë të Buallit, duke demaskuar shkeljen e të drejtave të punëtorëve.
Qindra të vdekur ka pas blerjes mafioze, por media “nuk di” gjë.
Terri informativ është më i thellë se terri i shpellave të Bulqizës.
Terri informativ për çdo plaçkitje të ekonomisë kombëtare në bashkëpunim të partive&mediave është më i thelle se thellësia e epiqendrës së tërmetit të fundit.
E kjo më mjafton për të mos iu përzier tallavase ” O Sa-mir me qenë i lirë, o-e”.
