Një aksident tragjik është regjistruar ditën e djeshme në Itali ku për pasojë ka gjetur vdekjen një shqiptar.
Dy automjete, një “Audi” dhe një “Punto”, janë përplasur me njëra-tjetrën në Valle San Giovanni në rrugën e mëparshme shtetërore që shkon nga Moncalvo për në Casale, në kryqëzimin me San Vincenzo. Goditja ka qenë fatale për shoferin e mjetit “Fiat Punto”, i cili ka gjetur vdekjen në vend. Sipas mediave italiane, viktima është 53-vjeçarin shqiptar Telo Kurti.
Kurti ishte rezident në rrugën “Mazza” në Ottiglio dhe punonte si murator. Ai njihej nga të gjithë në zonë. Mediat italiane shkruajnë se ai la pas bashkëshorten Ismete dhe fëmijët Fatima dhe Andi, 27 vjeç, që javën e shkuar kishte marrë nënshtetësinë italiane.
