Të paktën katër persona janë vrarë dhe dhjetëra të tjerë janë plagosur në një seri shpërthimesh të koordinuara në të gjithë destinacionet turistike në Tajlandë.
Vizitorët e huaj ikën të tmerruar pasi dy shpërthimet e parë goditi një rrugë të mbipopulluar të qytetit bregdetar të Hua Hin gjatë natës, duke vrarë një grua dhe plagosur 21 persona të tjerë në Thai.
Në mesin e të plagosurve nga sulmi mësohet se është dhe një shtetas britanik.
Qyteti, i cili është afër Bangkokut, u godit edhe nga shpërthime të shumta gjatë të premtes.
Disa orë më vonë dy shpërthime të vogla shpërthyen në Patong, Phuket, një zonë popullore për turistët e huaj.
Policia e Thait dhe mediat kanë raportuar sulme të ngjashme në Surat Thani dhe Trang, të cilat përdoren si pika ndalimi për vizitorët gjatë rrugës për në ishujt e vendit.
Zyrtarët tajlandezë kanë thënë se besojnë se sulmet janë kryer në nivel lokal dhe nuk janë të lidhura me terrorizimin.
Ende nuk është e qartë se kush qëndron prapa këtyre sulmeve, por vëzhguesit e përmendin kohën kur janë kryer sulmet duke sygjeruar se ato janë kryer nga kundërshtarët e pushtetit ushtarak.
Lidershipi ushtarak që e ka marrë kontrollin me forcë e ka organizuar një referendum të suksesshëm fundjavën e kaluar për një Kushtetutë të re që kritikët thonë se do të rrisë fuqine e ushtarakëve gjatë viteve të ardhshme.
