Një operacion blic është ekzekutuar mbrëmjen e sotme nga RENEA, FNSH-ja dhe Policia e Shkodrës, në lagjen e Licajve në Shkodër.
Burime bëjnë me dije se në pranga kanë rënë tre persona, mes tyre, Xhemiljano Ndou, kushëriri i Barush Bregut, të njohur ndryshe si i forti i Bajrave, kanë rënë në pranga.
Ndou, mësohet se është arrestuar bashkë me dy të tjerët, teksa udhëtonte në një automjet të llojit “Mitsubish” me targa ‘AA 579FG’, në lagjen e Licëve, një nga bandat kryesore që njihet për përplasjet me fisin Bajri. Pas një kontrolli mësohet se atij i është gjetur një dozë lënde narkotike.
Ndou rezulton të jetë pronar i një prej lokaleve bastesh në Shkodër. Tre të arrestuarit, përfshirë kushëririn e Bregut, mësohet se janë persona të shpallur në kërkim dhe me precedent penalë.
Ndërrkohë që ende nuk ka një njoftim zyrtar nga ana e autoriteteve.
Kush është Barush Bregu, kushëriri i Xhemiljano Ndou, i arrestuar sot?
Barush Bregu ka rënë në prangat e policisë më 4 Maj, gjatë operacioni të FNSH-së dhe RENEA-s në Komunën e Parisit.Bregu, akuzohet se është pjesë e grupit kriminal të Bajrajve, që u arrestuan vjeshtën e 2018-ës në operacionin OAZ.
Bashkë me Bajrjajt, ai akuzohet se ka marrë pjesë në disa ngjarje kriminale që kanë ndodhur në këtë qytet por që ende nuk janë zbardhur. Ai është i dënuar me 4 vite burg për kultivim narkotikësh.
