Ish-ministri i Drejtësisë, Ylli Manjani shprehet se rindërtimet dhe sistemimi i familjeve të prekura nga tërmeti shkatërrimtar i 26 nëntorit është thuajse i pamundur dhe këtë dimër ata do ta kalojnë me të keq.
Në një postim në facebook, Manjani shkruan se premtimet janë vetëm ‘lugë boshe’ sepse nëse vjen ndonjë fond pas mbledhjes së konferencës së donatorëve në Shqipëri do të mbërrijë nga qershori.
Postimi i Manjanit:
Ushqehemi me lugë bosh.
Kush ka mbetur pa shtëpi e pa ushqim nga tërmeti, të mos mërzitet fare. Opozita dhe media, gjithashtu të mos shqetësohen fare!
Ja, nga fundi i janarit do mblidhen donatorët. Pastaj Kryeministri mbushet me energji.
Në ardhtë ndonjë para (që kurrë nuk do jenë aq sa kemi nevojë), jalla nga maji-qershori mund të vijë. Sa të kalojë nëpër borde e vendime e projekte e më the e të thashë, iku dimri….
Ja ku dolëm më të fortë nga tërmeti!!!
Mbase bëhet ndonjë gjë që dimrin tjetër të zgjidhet ndonjë gjë… Ky dimër iku!
Pfffffffff.
Mjer ata që kanë hall, se përveç hallit që i ka zënë mbajnë në kurriz dhe talljen e shtetit!
