Milani afroi në merkaton e verës Ante Rebic nga Frankfurt. Futbollisti mendohej se do të ishte një goditje e mirë dhe e rëndësishme, por nuk rezultoi ashtu. Ish-lojtari i Eintracht Frankfurt u mor për dy vite në formë huazime.
Janari duket se mund të jetë vendimtar për të, pasi mund të rikthehet sërish në Gjermani. Lojtari ka luajtur vetëm 7 herë me fanellën e “Djallit” dhe e ka nisur vetëm 1 ndeshje si titullar. Rebic po mendon të thyejë huazimin dhe të rikthehet te Frankfurt.
Menaxheri i tij ka nisur kontaktet me drejtuesit e klubit gjerman për mundësinë e rikthimit të lojtarit në “shtëpi”. Kroati është shumë i zhgënjyer nga sjellja e klubit të Milanit dhe e sheh që nuk do të ketë shumë hapësira në skuadër. Mundësia më e mirë për të është largimi.
