Tërmeti tragjik i 26 nëntorit shkaktoi 51 viktima, dëmtoi qindra banesa dhe mijëra banorë i la në qiell të hapur. Shumë shqiptarë do ta mbajnë mend gjatë atë orë.
Lëkundjet sizmike u ndjenë fiks në orën 3:55 të mëngjesit, kur njerëzit ishin të gjithë në gjumë dhe të papërgatitur u përfshinë nga paniku.
Por edhe mëngjesin e sotëm ka pasur një tërmet në të njëjtën orë dhe minutë, 3:55 por me magnitudë 3.4 e shkallës Rihter.
Shumë prej atyre që hapën EMSC-në sot në mëngjes e kanë vënë re këtë koincidencë duke risjellë në vëmendje çastet e tmerrit të orës 3:55 të 26 nëntorit.
