Një megaoperacion antidroge është ekzekutuar ditën e sotme nga autoritetet italiane, ku si rezultat çoi në shkatërrimin e një organizate kriminale italo-shqiptare që trafikonte drogë mes Shqipërisë e Italisë .
Hetimet e operacionit kanë zgjatur rreth 3 vite e kanë çuar në arrestimin në flagrancë të 13 personave, shtetas shqiptarë e italianë, ndërsa 12 persona janë denoncuar në gjendje të lire, bëjnë me dije autoritetet italiane.
Gjatë investigimeve janë vënë nën përgjim 97 numra celularë, janë kryer 6 përgjime ambientale e në 10 automjete në përdorim nga trafikantët është instaluar sistemi i lokalizimit satelitorë.
Hetimet kanë çuar në sekuestrimin e 116 kg marijaunë, 30 mijë euro cash, 8 automjeteve luksoze, 100 gramë kokainë e heroinë.
