Autoriteti Kombëtar i Ushqimit (AKU) ka sekuestruar një sasi prej 2130 kilogramë mish pule në Vlorë e ardhur nga Polonia.
Bëhet me dije se kjo sasi mishi, e cila ishte bërë gati për t’u hedhur në treg, ishte e infektuar me salmonelë.
Ngarkesa me produktin “Mish pule” në sasinë prej 2130 kg ishte i papërpunuar, i paketuar në kuti kartoni 10 kg dhe i ngrirë në temperaturë -18 °c, i cili pas kryerjes së analizave në momentin e nisjes për në Republikën e Shqipërisë, rezultoi me prezencë të Salmonella Enterica Ser. Enteritidis.
Referuar gjetjeve të ardhura nga inspektimi i kryer pas njoftimit të ardhur nga sistemi RASFF, trupa inspektuese kreu procedurën e bllokimit të produktit deri në marrjen e masave për asgjësimin e tij.
