Bllokimi i rrugës me makinë ka qenë shkaku i sherrit mes taksistit që punonte në të zezë dhe tre vëllezërve në Tiranë.
Leonard Kaçaniku u arrestua mëngjesin e ditës së djeshme pasi qëlloi me armë pas sherrit me vëllezërit Klentian Buda, Shaban Buda e Ergys Buda.
Policia sqaroi se Kaçaniku punonte taksist në të zezë në rrugën “Sadik Petrela”, tek Xhamlliku. Në një moment që ai kishte pasur klientë, rruga i ishte bllokuar nga makina e një prej vëllezërve, që banonin aty pranë.
Në gjaknxehtësi e sipër, Kaçaniku është konfliktuar me ta dhe ka qëlluar me armë. Fatmirësisht nuk pati asnjë të plagosur. Policia tha se në momentin e arrestimit taksistit iu sekuestrua pistoleta e tipit “Zastava”, me kalibër 9 mm.
