Policia e Vlorës ka dhënë detaje për ngjarjen e mbrëmshme, ku një person është dërguar i vdekur në Spitalin e Vlorës rreth orës 20:30 të mbrëmjes.
Sipas bluve, trupi i pajetë është gjetur në fshatin e quajtur “Vranisht” Vlorë dhe mund t’i përkasë moshës rreth 20-25 vjeç, për të cilin po punohet për gjeneralitetet e tij të plota.
Mësohet se viktima punonte si çoban në stanin e 74-vjeçarit Sheref Lelaj, banues në fshatin Mesaplik, Vlorë, i cili është arrestuar si i dyshuar.
Po kështu janë shpallur në kërkim 2 djemtë e tij, shtetasit V. Lelaj, 34 vjeç dhe L.Lelaj, 46 vjeç.
Pistat kryesore të hetimit janë “Vetëvrasja” ose “Vrasja nga pakujdesia”. Po punohet për zbardhjen dhe dokumentimin e plotë të ngjarjes. Policia e Vlorës e mbajti të fshehtë ngjarjen deri mëngjesin e sotëm, duke mos dhënë asnjë informacion në kohë reale.
