Interit i nevojitej një fitore për avancimin më tej në Ligën e Kampioneve, por ndodhi e kundërta ku u mundën 1-2 ndaj Barcelonës.
Në lidhje me eliminimin trajneri Conte, dha një intervistë për “DAZN” ku deklaroi se Interi meritoi më shumë por sipas tij djemtë e tij dhanë gjithçka në fushën e lojës dhe nuk ka keqardhje.
“Kishim mundësitë për të fituar ndeshjen, por na mungoi qetësia për t’i shndërruar ato mundësi në gola. Nuk kam asnjë ankesë, pasi lojtarët e mi dhanë më të mirën e tyre. Goli i Fati-t ishte i dhimbshëm, ai na vrau në të gjitha mënyrat. Ishim duke shtyrë përpara, po krijonim mundësi. Ishte zhgënjyes për të gjithë lojtarët”.
“Gjithashtu jam I mërzitur për të gjithë tifozët e pranishëm në “San Siro”, ata na kanë inkurajuar nga fillimi deri në fund duke krijuar një atmosferë të mrekullueshme. Duhet të ishte mbyllur ndryshe. Mendoj se meritonim më shumë. Megjithatë, duhet të përveshim mëngët dhe t’i ndihmojmë këta djem të rriten. Është një eksperiencë e vlefshme. Ky ekip ka bërë gjëra të mëdha në një periudhë të vështirë. Kemi dy ndeshje përpara pushimeve të Vitit të Ri, pastaj shpresojmë të riaftësojmë disa lojtarë. Në këtë situate emergjente, lojtarët kanë bërë shumë mirë. Kam parë shumë zhgënjim në sytë e tyre, dhe kjo më ka mërzitur edhe mua”.
