Liverpooli u kualifikua mbrëmë në raundin tjetër të Ligës së Kampioneve si “koka” e grupit të saj duke iu bashkuar skuadrave që mund të përballen me Realin e Madridit në raundin e 1/16-ave.
Nga ana tjetër Reali i Madridit janë të kualifikuar në vendin e dytë pas Paris Saint-Germain, dhe në raundin tjetër mund të përballen me disa nga klubet më elitare në Europë.
Liverpool, Bayern Munich, Manchester City dhe Juventusi janë skuadrat e mëdha që mund të “peshkojnë” madrilenët, ndërsa edhe Barcelona u kualifikua si e para e grupit të saj por sipas rregullit, dy skuadra të cilat janë nga i njëjti shtet nuk mund të përballen në raundin e 1/16-ave.
Real Madrid zhvillon sonte ndeshjen e saj të fundit në grupe ndaj Club Brugge, një ndeshje formaliteti për “Los Blancos”. Ndërsa kundërshtarin në fazën tjetër do ta mësojë ditën e hënë.
