Mesfushori, që drejtuesit e Milan morën për të plotësuar dëshirën e trajnerit Vincenzo Montella, quhet Rodrigo Bentancur.
Marrëveshja mund të konsiderohet plotësisht e mbyllur dhe do të zyrtarizohet në momentin që lojtari uruguajan do të kalojë vizitat mjekësore, pasi Boca Juniors pranoi 15 milionë euro. Pikërisht dje pasdite Berlusconi dhe pronarët e rinj nga Kina, miratuan investimin për 19-vjeçarin.
Bentancur u zgjodh para Kovacic, Rabiot, Badejl apo Sosa. Juventus dhe Inter ishin klubet e tjera që po ndiqnin futbollistin argjentinas.
Rodrigo Bentancur u bind edhe nga Adriano Galliani që të zgjidhje Milan. Operacioni u mbaj sekret deri në fund dhe në momentin që drejtuesi kuqezi mori fondin nga pronarët, zyrtarizimi ishte i menjëhershëm.
19-vjeçari Bentancur, pjesë e kombëtares U-21 të Uruguajit, ka lindur në vitin 1997. Në sezonin e kaluar u bë pjesë e Boca Juniors dhe ende pa mbushur 18 vjeç debutoi me ekipin e parë.
Bentancur ka luajtur 30 ndeshje me ekipin e parë të Boca dhe ka shënuar një gol. Vjet ai ishte në listën e merkatos së Real, Inter dhe Juventus dhe kjo ishte arsyeja përse Boca nuk e lëshonte pa të paktën 15 milionë euro.
