Shkencëtarët në Korenë e Jugut kanë arritur të ndërtojnë një lloj materiali tekstil i cili prodhon elektricitet kur tendoset apo lëviz. Një person që vesh një bluzë të bërë nga një material i tillë, thjesht i duhet të levizë përreth që të mund të karikojë një pajisje të vogël elektronike.
Një fizikan në Institutin e Teknologjisë së Georgias në Atlanta, Yunlong Zi, thotë që ky hap do të bëjë që të ndërtuarit e veshjeve që prodhojnë energji elektrike së shpejti do të bëhet realitet.
“Telefonat kanë nevojë të vazhdueshme për bateri, ndërkohë që këto të fundit kanë jetë të kufizuar.” Me veshjet që mund të prodhojnë elektricitet kjo nuk do të jetë më një problem. “Energjinë mund ta prodhoni vetë ndërkohë që lëvizni.” thotë Yunlong.
