Disa kohë më parë David Beckham publikoi një foto të saj, teksa puthte në buzë vajzën e saj Harper dhe i uronte asaj ditëlindjen. Kjo foto shkaktoi një diskutim të nxehtë, nëse kjo gjë është apo jo e pranueshme. Mjekët thonë se fëmijët duhet të ndihen të dashur dhe të sigurt në mjedisin familjar. Mirëpo, puthja në buzë nuk është ideja më e mirë për të shprehur dashurinë prindërore.
Psikologët na tregojnë mendimin e tyre lidhur me këtë çështje:
Mund të zhvendosë kuptueshmërinë e fëmijës për kufijtë personal
Buzët dhe goja janë kufijtë personal të trupit të një fëmije, siç shpjegon psikologu Charlotte Reznick. Kur puthni një fëmijë në buzë, u tregoni atyre se kufiri i trupit të tyre është i hapur dhe se dikush mund të ndërhyjë në territorin e tyre pa asnjë problem.
Është johigjienike
Mjekët dhe veçanërisht dentistët, paralajmërojnë se ka një numër të madh të mikrobeve në gojën tonë që mund të mos infektojnë të rriturit, por që mund të transmetohen te fëmijët dhe t’i dëmtojnë shumë ata. Dhe meqenëse fëmija ka një sistem imunitar më të dobët, sqaron Charlotte Reznick, disa infeksione të rrezikshme mund të hyjnë në trupin e tyre përmes pështymës shkruan Class.
Fëmija mund të fillojë të puthë njerëzit e tjerë në buzë si një shprehje simpatie
Fëmija mund të fillojë të sillet në të njëjtën mënyrë siç është mësuar në shtëpi, edhe jashtë rrethit familjar-duke puthur fëmijë ose të rritur në buzë, si një mënyrë për të shprehur simpatinë. Psikologët theksojnë se ky është një gjest i pafajshëm nga ana e prindërve, por fëmijët mësojnë shumë prej tyre. Kështu që ata mund të përpiqen të përsërisin të njëjtin gjest me të tjerët, pa e kuptuar sesa intim është ky veprim. Kjo është arsyeja pse rekomandohet që të puthni fëmijët në faqe ose ballë.
