Usain Bolt dhuron spektakël nën ritmin e Sambas. Sprinteri Xhamajkan i përqndruar maksimalisht për t’u bërë një legjendë, i lejon vetes edhe të dëfrehet me bukurshet braziliane, para qindra të pranishmëve në konferencën për shtyp të zhvilluar në Rio.
Por shumë shpejt i kthehet seriozitetit dhe befason me deklaratën e tij kur pyetet për pastërtinë e atletëve që do të zbresin në pistë si rivalë të tij.
“Në jetë nuk është asgjë e garantuar. Dopingu është dicka që duhet ta shmangë Wada, detyra ime mbetet të garoj dhe të entuziazmoj publikun. Mendoj se sporti po shkon në drejtimin e duhur, po e shkulim barin e keq. Për këtë arsye njerëzit kanë më shumë besim. Duhet të kalojnë momentet e këqija. Besoj se atletika brenda pak vitesh do të jetë një sport i pastër.”
Në Olimpiadën e Rios, Bolt do të kërlojë tripletën e tretë të artë në 100 dhe 200 metra si dhe në stafetën 4 herë 100 metra.
“Në 200 metra dua të rigjistroj njëkohë poshtë 19 sekondave. Më shumë nervoz bëhem për garën e 200 metrave. Në 100 metra i di pikat e mia të forta dhe të dobëta, por në 200 metra jam gjithmonë nervoz, si në bateritë kuakifikuese dhe në finale.”
Për 29-vjecarin Bolt Rio 2016 pritet do të jetë olimpiada e fundit, ndërkohë që ka marrë pjesë në Athinë 2004, Pekin 2008 dhe Londër 2012.
