Nga Erl Kodra
Imagjinoni sikur Kryeministri i Shqipërisë të jetë dikush tjetër, një njeri çfarëdo.
Imagjinoni sikur ky njeriu çfarëdo të bëjë të njejtat gjëra si Edi Rama. Domethënë, të njëjtat akte, të njëjtat vendime, të njëjtat PPP.
Imagjinoni për një moment, ky njeriu tjetër, që është Kryeministër në vend të Edi Ramës, të ketë dhënë një koncesion për Vilma Nushin me vlerë totale 120 milion euro për “kontroll mjeksor periodik”, ndyshe check up.
Merreni me mend ju lutem, sepse po flas për gjëra serioze. Check up-i mjeksor konsiston në disa analiza në bazë vjetore për moshat 35- 65 vjeç, si gjaku komplet, urina komplet, matje tensioni.
A e dini se cila është vlera e këtyre analizave? Domethënë, vlera reale, përfitimi që ka popullata nga këto lloj analizash? U shkon mendja?
Po e them me kopetencë absolute; këto analiza kanë vlerën e një studimi të thjeshtë. Për këtë, do të mjaftonte studimi i të dhënave mjeksore nga një grup specialistësh, nga Klinikat e Mjeksore e të gjithë Shqipërisë, dhe digjitalizimi i tyre, mbi të cilat mund të ngriheshin politikat mjeksore të qeverisë.
Kaq është vlera reale e check up-it të Vilma Nushit dhe Edi Ramës. Kompjuterizim i të dhënave mjeksore nga disa specialist. Domethënë, i atyre që sëmuren vërtetë dhe shkojnë tek mjeku. Ata bëjnë analiza reale, të cilat mjekët i mbajnë në regjistra. Këto të dhëna japin indiciet reale të sëmundjeve.
Edi Rama thotë se me këto analiza vjetore parandalohen sëmundje. Lesh zbulohen sëmundjet nëpërmjet këtyre analizave. Lesh me qime.
Në vendin tonë rreth 40 % e popullsisë është e paushqyer mirë, pa proteina, pa vitamina, por mbi të gjitha, me ushqime të pakontrolluara dhe me kimikate, të rrezikshme për shëndetin e popullatës.
Por të rikthehemi tek narrativa jonë, tek personi që nuk është Edi Rama, por gjithçka bën si Edi Rama.
A do kishte mundësi të mbijetonte Kryeministri tjetër që nuk është Edi Rama pas këtij koncesioni, pas kësaj PPP-je?
Më ndjeni se jam i detyruar ta përsëris edhe njëherë; se më duket keni probleme me numrat, me shifrat.
120 Milion Euro!
Çka i dini ju 120 Milion Euro?!
Por Edi Rama as që i shkon ndërmend me e ndërpre këtë hajni.
Mirë e ka, ai e di se çka janë 120 milion euro.
Por Edi Ramës as nuk i shkon mendja me ia ndalë paret Vilma Nushit për katastrofën natyrore. Qysh po ju shkon në mend ju njëherë!
Po sa “Vilma Nushi” ka Edi Rama, të cilat po i mbajmë ne me miliona euro, për 10- 15 vitet që do vijnë?!
Hajt se flasim.
