Një incident ka ndodhur në aksin Kukës- Kalimash të Rrugës së Kombit. Një kamion me birra nga Kosova gjatë kalimit në një kthesë në afërsi të Kolshit është lëkundur dhe të gjitha shishet e birrës që transportoheshin në të kanë rënë në tokë.
Një pjesë e madhe e tyre janë thyer, ndërsa ata që e kanë pësuar kanë qenë drejtuesit e automjeteve të cilat kanë çarë gomat e automjeteve.
Firma mirëmbajtëse e rrugës ka bërë të mundur hapjen për lëvizjen e mjeteve pas bllokimit për disa minuta.
Për fat të mirë aksidenti nuk ka pasur pasoja në njerëz, vetëm në dëme materiale.
Policia ka mbërritur në vendngjarje dhe po punon për zbardhjen e shkaqeve. Sipas Policisë ndaj drejtuesit të kamionit me targa 632 KS 712 është marrë masë administrative.
Foto: Mariglen Mërtiri
