Julian Deda ka publikuar në rrjetet sociale pemën e zbukuruar të Krishtlindjeve dhe siç duket festat kanë trokitur në shtëpinë e aktorit.
Juli krahas fotos ka dhe një mesazh për të gjithë shqiptarët. Pavarësisht atyre që ndodhën së fundmi ai jep mesazhin se jeta vazhdon.
“Nata kur pema është gati, shënon hyrjen zyrtare në zonën më festive të vitit. Kemi hyrë në muajin e festave, në muajin e fundit të këtij viti, që do ta mbajmë mend jo vetëm gjatë gjithë jetës sonë, por do kujtohet ndër breza. Fatkeqësisht bashkë me ne nuk do munden të festojnë ata që shkuan në botën tjetër pa pasur asnjë faj, ato familje që tërmeti i pabesë i veshi me të zeza. Më vjen keq, shumë keq. Ata në fakt janë engjëjt tanë atje lart, që ndoshta po na luten ‘festoni se jeta vazhdon’, por ne nuk i dëgjojmë. E vërtetë ata kanë të drejtë, jeta vazhdon. Kemi shumë gjëra të bukura për të jetuar dhe përjetuar. Ndoshta është e lehtë për t’u thënë dhe shumë e vështirë për ta zbatuar, por duhet të shohim dritën, të shohim përpara, të shohim njëri-tjetrin me sy dhe ashtu siç ishim të bashkuar në tragjedi, të jemi edhe në gëzime e festa. Të gjithë bashkë do ja dalim edhe të festojmë bukur. Zoti na i bekoftë familjet tona…”, ka shkruar Juli në postimin e tij.
