Policia e Kukësit ka vënë në pranga shtetasin me iniciale R. N., 29 vjeç, banues në Rrëshen i shpallur në kërkim ndërkombëtar nga autoritetet italiane, për disa vepra penale.
Gjykata Chieti, Itali ka lëshuar ndaj tij masën e sigurisë “Arrest në burg”, për veprat penale “Vjedhja me dhunë”, “Mbajtja e sendeve të vjedhura”, “Armëmbajtja pa leje” dhe “Kërcënim i nëpunësit publik”, parashikuar nga Kodi Penal italian, njoftojnë autoritetet.
Arrestimi i tij u bë me qëllim ekstradimin drejt Italisë.
Materialet i kaluan Prokurorisë së Rrethit Gjyqësor Kukës, për veprime të mëtejshme.
