Tërmeti i 26 nëntorit shkakoi shumë viktima në Durrës, të plagosur dhe dëme të mëdha materiale, duke lënë pa strehë dhe shumë banorë të tjerë. Prokuroria e Durrësit nisi ditën e djeshme hetimet pasi dyshohet se pasojat kanë ardhur si shkak i ndërtimeve pa leje dhe moskryerjes e rregullt e detyrës nga inxhinierët, dhe zyrtarët shtetërorë të ngarkuar me mbikqyerjen e këtyre ndërtimeve.
Ish-deputetja e PD-së, Fatbardha Kadiu ka denoncuar sot deputetin socialist, Sadri Abazi, sipas së cilës, ai po shemb katet shtesë të ndërtuara pa leje në një pallat në zonën e plazhit në qytetin bregdetar.
“Sadri Abazi dhe babezia e rilindjes. Ky njeri eshte për burg. Brenda 24 oreve të termetit vjen në zonen e plazhit të prish më urgjence dy kater shtese të ndertuara pa leje. Lart dallohen prishjet”, ka shkruar ish-deputetja në FB, duke sjellë dhe foto.
Lidhur me rastin ka reaguar edhe ish-deputeti tjetër demokrat Luçiano Boçi. Në një reagim në rrjetet sociale, shkruan:
“KUSH DUHET TË HYJË NË BURG?
Gjatë inspektimeve si grup i ngritur nga PD, me ish-deputeten e Durrësit Fatbardha Kadiu, në zonën e pistës ‘ILIRIA’, për të parë nga afër dhe inventarizuar dëmet e tërmetit, pamë aty dhe deputetin e PS, Sadri ABAZI.
Shumë ‘i shqetësuar’ por i buzëqeshur, siç shihet në foto, kishte ardhur për çfarë?!!!
Për njerëzit?
As mos e mendoni.
Kishte ardhur për të zhdukur gjurmët e ndërtimit abuzues në pallatin e vet, të dëmtuar në përmasa të frikshme.
Pasi kishte hequr me shpejtesi dy katet pa leje që shihen qartë në foto, ka nisur me urgjencë zhdukjen e provave abuzuese.
Pas këtij fakti tronditës që nuk është i vetëm, disa pyetje lindin për Ramën:
Kush duhet të hyjë tani në burg?!!
Pse lejohet zhdukja e provave?!
Kush ia dha lejen Abazit?!!
Po katet pa leje?!!
Po prokuroria ku është?!
Kjo është e vërteta që kërkon të fshijë Rama më bufonizmat e tij.
Përgjegjësit e katastrofës i ka në krah duke nisur nga Gjushi, Abazi e të tjerë.
Përgjëgjësi kryesor është ai vetë si mbjellës i shkatërrimit në Tiranë”.
