Në Maj të vitit 2014, një shkencëtar serb i quajtur Velimir Abramoviç, deklaronte se sistemi HARP, një program amerikan për studimin e jonosferës, po shkaktonte tërmete në vendin tonë. Abramoviç, sipas raportimeve të mediave asokohe, pretendonte se HARP do të ndikonte në lëkundje të tjera tërmeti në Shqipëri.
Por, çfarë është sistemi HARP?
Qendra për Kërkime mbi Globalizimin, një organizatë e pavarur e kërkimit dhe mediave me qendër në Montreal, teksa citon shpjegimin e dhënë në një dokumentar televiziv rreth HAARP nga Korporata Kanadeze e Transmetimit (CBC), sqaron se: “HAARP (Programi i Kërkimeve Aurorale me Frekuencë të Lartë Aktive) është një program i mbrojtjes ushtarake amerikane pak i njohur, i cili ka krijuar mjaft polemikë gjatë viteve në qarqe të caktuara. Megjithëse akuzat mohohen nga zyrtarët e HAARP, disa studiues të respektuar pohojnë se aftësitë e fshehta të fushës elektromagnetike të HAARP janë krijuar për të përcjellë qëllimin e deklaruar të ushtrisë amerikane për të arritur një mbizotërim të spektrit të plotë deri në vitin 2020. Të tjerë shkojnë aq larg sa pretendojnë se HAARP mund dhe ka është përdorur për modifikimin e motit, për të shkaktuar tërmete dhe tsunami, për të prishur sistemet e komunikimit global, dhe më shumë”.
Ashtu si disa studiues kanë hedhur hipotezën se disa fatkeqësi natyrore që kanë ndodhur në planet, si tërmetet në Haiti, tsunami indonezian dhe uragani Katrina, mund të kenë qenë eksperimente të HAARP, edhe shkencëtari serb deklaronte në teknologjia HARP ka lidhje me tërmetet në Shqipëri.
Abramoviç ka akuzuar po ashtu se sistemi HAARP ka shkaktuar edhe përmbytje në Serbi.
Një qytetar shqiptar që jeton në Bocholt të Gjermanisë, denoncoi se sistemi HARP që sipas tij vepron atje, krijon një formë jonatyrale të reve në qiell, të ngjashme me ato që janë shfaqur ditët e fundit në Shqipëri.
