Një biznesmen shqiptar në Florida është mbajtur për dy vite i burgosur pas asnjë akuzë ndaj tij, raportojnë mediat amerikane. Gjykata e Floridës e ka liruar ditën e djeshme shqiptarin që prej 10 vitesh është rezident në Shtetet e Bashkuara të Amerikës.
Gjovalin (Joe) Gjergji, 28 vjeç, bashkëpronar i një restoranti në San Marco u arrestua nga agjentët në dhjetor të vitit 2014 dhe që prej asaj kohe po lufton me padrejtësinë. Në atë moment për të nuk pati asnnë akuzë ndaj dhe ai u dërgua në një qeli paraburgimi për emigrantët.
Emri i tij nuk ishte i panjohur për drejtësinë amerikane pasi ai në moshën 18-vjeçare ilegalisht i kishte shitur armë një personi me precedent penal. Gjergji ka pranuar krimin dhe sipas ligjeve në fuqi duhet të ishte dëbuar nga vendi, por në atë kohë ai ka marrë pasaportën amerikane duke dhe sipas pretendimeve të avokatit ligji nuk do të vepronte më ndaj tij.
Tani ai është i fokusuar tek puna dhe familja e tij i kënaqur që jeta i dha një shans të dytë. ‘’Dua të kaloj kohë me gruan dhe vajzën dhe t’i kthehem punës”, ka thënë Gjergji.
