19 persona janë vrarë pas njb në një përplasje me armë mes anëtarëve të një karteli droge dhe policisë në Meksikë.
Mediat vendase raportojnë se mes të vrarëve janë 4 oficerë policie, 2 civilë dhe 13 anëtarë të dyshuar të kartelit të drogës, ndërsa 16 të tjerë janë plagosur.
Beteja shpërtheu mes forcave të sigurisë dhe anëtarëve të kartelit në verilindje të qytetit të Villa Union dhe zgjati rreth 1 orë. Autoritetet sekuestruan 14 makina me armë të fuqishme, sipas guvernatorit Miguel Angel Riquelme Solis. Foto nga vendi i ngjarjes tregojnë një automjet policie të qëlluar me plumba.
“Grupet kriminale kanë kohë që kërkojnë të hyjnë në shtet,”-tha Solis në një konferencë shtypi.
“Konkretisht Cartel del Noreste po përpiqet të hyjë në Coahuila çdo ditë. Sot u futën me forcë dhe me një kontigjent që nuk ishte parë për një kohë të gjatë.” Ndërsa shtoi se nuk do ta lejojë këtë gjë.
