Pasditen e sotme, kryeministri Edi Rama mblodhi Komitetin Kombëtar të Rindërtimit, ku pjesë e tryezës ishin përfaqësues nga shoqata bamirëse, arkitektë, inxhinierë, Shoqata e Ndërtuesve dhe Fondi i Zhvillimit dhe përfaqësues të Shoqatës së Sipërmarrësve.
Por, në lidhje me ngritjen e këtij komiteti, kreu i i Lëvizjes Vetëvendosje dega Tiranë, Boiken Abazi ka ngritur pyetjen se kush ka qenë kriteri për përzgjedhjen e anëtarëve të komitetit të rindërtimit.
“Sa është fondi që duhet të ngrejë një organizatë për të qenë pjesë e “Komitetit të Rindërtimit”, që ka nisur qeveria Rama me shoqërinë civile? Apo ka ndonjë kriter tjetër për përzgjedhjen? Po flitet për transparencë në këto momente në TV nga të gjithë aktorët në këtë komitet. A mundet njëri prej tyre të ngrejë tani çështjen e transparencës së kritereve të përzgjedhjes për të qenë pjesë e këtij komiteti?” – shkruan Abazi në Facebook.
