Real Madrid vijon ecurinë shumë pozitive në kampionat duke arritur fitoren e tretë radhazi, 2-1 në transfertë ndaj Alaves.
Pas një pjese të parë të mbyllur pa gola, por me raste në të dyja krahët, do të ishte ekipi i Zidane që do të gjente shumë shpejt rrjetën në fillimin e fraksionit të dytë, ku Sergio Ramos shfrytëzoi një pasim të Toni Kros nga goditja e dënimit duke realizuar me kokë.
Reagimi i Alaves nuk do të vononte, teksa pas një prekje të topit me dorë në zonë në minutën e 65-të nga Marcelo, gjyqtari akordoi penallti. Por gëzimi i tyre zgjati vetëm 4 minuta, pasi Reali u rikthye sërish në avantazh me mbrojtësin Carvajal, i cili përfitoi nga një rrëmujë e krijuar në zonën e vendasve, teksa topi u përplas në shtyllë dhe shkoi në këmbët e tij.
Reali i Madridit ngjitet në krye të renditjes me 31 pikë, në pritje të super duelit mes Barcelonës dhe Atleticos e cila zhvillohet ditën e nesërme.
