Lokomotiva e Zagrebit, ku aktivizohen shumë futbollistë shqiptarë, fitoi ditën e djeshme 4-0 ndaj Goricas në javën e 17-të të Superligës kroate.
Herojtë të Lokomotivës ishin edhe dy shqiptarët, Myrto Uzuni i kombëtares kuqezi dhe Lirim Kastrati, që shënuan golat e avantazhit të dyfishtë.
Pas përfundimit të ndeshjes, nuk mungoi as dedikimi për Shqipërinë, e cila po kalon momente dramatike pas tërmetit të së martës.
“Një fitore e madhe u kushtohet miqve tanë të dashur në Shqipëri,” – fjalët që shoqërojnë fotografinë e lojtarëve shqiptarë të skuadrës kroate.
