Ceremonia e Topit të Artë do të zhvillohet të hënën më 2 dhjetor.
Tre kandidatët kryesorë për ta fituar çmimin prestigjioz janë: Lionel Messi, Cristiano Ronaldo dhe Virgil Van Dijk.
Megjithatë në një intervistë të fundit për mediat angleze, Steven Gerrard ka deklaruar që nëse flitet vetëm për sezonin e kaluar, atëherë çmimi duhet t’i shkojë mbrojtësit holandez Van Dijk.
“Jam një tifoz i Messit. E adhuroj, më pëlqen shumë. Ka realizuar një numër golash dhe asistosh të pabesueshëm”.
“Megjithatë, nëse flasim për rendiment konstant të një lojtari gjatë sezonit dhe që ka fituar trofetë më të rëndësishëm atëherë Van Dijk e meriton më shumë”.
