Të martën që shkoi, Mbappe luajti në “Santiago Bernabeu” ndaj Real Madrid, dhe shumë media e panë atë si një ndeshje ndaj klubit të ardhshëm të francezit, pasi një kalim i tij në kryeqytetin spanjoll duket i pashmangshëm.
Pas barazimit 2-2, të Real Madridit ndaj PSG-së, Vadim Vasilyev, ish-zëvendës president i klubit të Monakos, gjatë kohës që Mbappe luante atje, duke folur për “Le Parisien”, deklaroi që e ardhmja e sulmuesit është me “mbretërorët”.
“Kur? Nuk e di këtë, por duket e pashmangshme. Kur Real Madrid bëri ofertën për të në kohën kur luante për Monacon, Mbappe më tha: Vadim, është shumë shpejt për mua”.
“Kam vetëm një vit që luaj në vendin tim. Unë jam nga Parisi dhe nuk dëshiroj ta lë vendin tani. Dua të bëhem një lojtar i madh këtu. Real Madrid do të më presë mua”.
