Roma fitoi në transfertën e Basaksehir me rezultatin 0-3, duke u ngjitur në vendin e dytë në grupin J.
Ishte një situatë e vështirë e klubit romak, pasi gjendej në vendin e tretë dhe i duhej me patjetër fitorja ndaj Basakehir, e cila përpara kësaj ndeshje kryesonte grupin. Ndeshja tjetër në këtë grup ishte ajo mes Borussia Monchengladbach dhe Wolfsberger, teksa klubi gjerman fitoi në transfertë me rezultatin 0-1. Çështja e kualifikimit në këtë grup vendoset në raundin final aty ku Roma pret Wolfsberger në shtëpi ndërsa Munchengladbach luan ndaj Basaksehir.
Një tjetër ndeshje e rëndësishme ishte ajo mes Young Boys dhe Portos, ku pa fitues portugezët të cilët mundën klubin zvicerian në transfertë me rezultatin 1-2. Me këtë fitore Porto ngjitet në vendin e dytë në grupin G, me shtatë pikë të grumbulluara, një më pak se Rangers e vendit të parë.
Ky grup është plotësisht i hapur pasi edhe Feynordi i vendit të fundit, me 5 pikë ka mundësinë e kualifikimit në ndeshjet e raundit të fundit.
Në grupin D, Sportingu i Lisbonës siguroi kualifikimin, pasi mposhti dhe eliminoi holandezët e PSV Eindhoven, falë rezultatit të thellë 4-0. Kaluan më tej edhe austriakët e Lask Linz, që triumfuan 1-2 në transfertën nordike ndaj Rosenborgut.
