Emisioni i humorit “Klanifornia” ka anuluar shfaqen e kësaj fundjave, në respekt të të prekurve nga tërmeti që tronditi vendin mëngjesin e së martës.
Në një mesazh në rrjetet sociale, aktori Julian Deda përcjell “ngushëllimet më të sinqerta për jetët e humbura në këtë tragjedi” në emër të stafit të Klanifornia-s.
“Stafi i ‘Klanifornia’, ashtu si çdo shqiptar, shpreh ngushëllimet më të sinqerta për jetët e humbura në këtë tragjedi. Shpreh solidaritet për të gjithë ata që po kalojnë një traumë kaq të madhe. Shpreh falenderim për këdo që, me vetëmohim, po lufton me rrënojat për të shpëtuar jetë njerëzish. Shqiptarët kudo që ndodhen, sot janë bashkë më shumë se kurrë dhe kjo është e vetmja mënyrë për t’ia dalë mbanë!
Për respekt të jetëve të humbura, familjarëve të tyre apo njerëzve që janë prekur nga kjo tragjedi, kemi vendosur anullimin e shfaqjes këtë javë, me urimin dhe shpresën, që duartrokitjet dhe të qeshurat tuaja të kthehen në lutje dhe gjithçka të marrë fund sa më shpejt.
Ju duam!”, shkruan komediani në një postim në FB.
