Pak ditë më parë, Deontay Wilder fitoi duelin e dytë me Luis Ortiz, ku boksieri amerikan arriti të fitojë me anë të një Knokouti në raundin e shtatë.
Por sfida që të gjithë pasionuarit të boksit presin është ajo mes, Tyson Fury dhe Wilder, ku beteja e parë u mbyll me pikë në barazim.
Gjithsesi sfida e revanshit, është pranë realizimit pasi menaxheri i boksierit britanik, Bob Arum, deklaroi se gjithçka është e përfunduar, dhe se dy boksierët e pamposhtur do të përballen sërish mes tyre më 22 shkurt, këtë herë në Las Vegas.
“Këtë duel do ta zyrtarizojmë pak ditë para krishtlindjeve, por përballja do të zhvillohet më 22 shkurt. Kjo është e sigurt. Për këtë mund të flini gjumë të qetë”. – tha Bob Arum për “ESPN”.
