Kush mendon se të moshuarat mblidhen bashkë vetëm për të bërë ndonjë thashethem, duhet që të shohë tre ‘gjyshe’ britanike që provojnë hashashin për herë të parë.
Margot, Daphne dhe Trish, përkatësisht 73, 78 dhe 82 vjeç ishin protagonistet e radhës të një spektakli televiziv të titulluar “Një guidë e botës moderne për gjyshet”.
E pjesë e kësaj guide ishte edhe një udhëtim i këtyre 3 “vajzave” në Amsterdam, ku sigurisht, nuk kishin shkuar vetëm për të parë ‘Rijksmuseum” dhe për të bërë xhiro me varka.
Margot, Daphne dhe Trish u futën në një lokal për të provuar për herë të parë hashashin.
“Nuk kam pirë asnjëherë hashas. Kur isha e re mendoja se vetëm kriminelët e përdornin atë”, thotë Margot.
Vendimi i shumicës ishte që Margot të përgatiste cigaren sepse “është e mirë në dredhje dhe ka duar më të shkathta”. Kaq mjaftoi dhe pas teknikës me cigare të dredhur, tre të moshuarat provuan edhe dy të tjera, një me llullë dhe një tjetër me tullumbac të mbushur me tym kanabisi, ndërsa në fund ëmbëlsira ‘tradicionale” holandeze…”keku marramendës”.
Kaq mjaftoi që tre të moshuart “të fluturonin” më pas në rrugët e Amsterdamit dhe trotuari t’u dukej ‘i butë’.
