Vendi jonë u godit mëngjesin e sotëm në orën 03:54 nga një tërmet i frikshëm me magnitudë 6.4 e shkallës Rihter i cili shkaktoi edhe viktima. Por, vendi nuk pritet të goditet edhe nga cunamit, pasi nuk ka pasur ndonjë lajmërim për dallgë të frikshme.
Mediat britanike kanë sqaruar disa detaje për lexuesit, të cilat i kanë marrë nga Shërbimi Gjeologjik i SHBA-së, që konsiderohet më i miri.
Kështu, fillimisht Shqipëria nuk është e rrezikuar nga cunamet dhe nuk ka pasur asnjë lajmërim për dallgë të frikshme. Më tej sqarohet nëse Shqipëria ndodhet në atë që njihet si Unaza e Zjarrit.
“Shqipëria nuk është në Unazën e Zjarrit, një unazë famëkeqe në bazenin e Paqësorit, me aktivitet të vrullshëm sizmik. Rreth 90 për qind e të gjithë tërmeteve ndodhin në Unazën e Zjarrit. Megjithatë, aktiviteti sizmik mund të ndodhë kudo dhe Shqipëria ka përjetuar tërmete në të shkuarën”.
“Siç shihet në hartën e mësipërme, Shqipëria është pranë linjës së pllakës tektonike që kalon poshtë Italisë, duke e bërë rajonin të ndjeshëm ndaj lëkundjeve”
