Ylli korean i muzikës pop, Goo Hara, 28-vjeç, u gjet e vdekur sot në shtëpinë e saj, vetëm dy javë pasi nisi turneun e saj për rikthim pas një përpjekje vetëvrasjeje gjashtë muaj më parë.
Mediat e huaja shkruajnë se ylli i K-Pop u gjet pa shenja jete, ndërsa 6 muaj më parë ajo kishte tentuar vetëvrasjen.
Raportohet se trupi i pajetë u gjet në banesën e saj, në lagjen Gangnam’s Cheongdam. 28-vjeçarja sapo kishte përfunduar një turne muzikor në Japoni, i cili rezultoi tepër i suksesshëm.
Kujtojmë se ylli i muzikës, tentoi vetëvrasjen 6 muaj më parë. Ajo u gjet pa ndjenja nga menaxheri, ndërsa kishte bërë një postim në rrjetin social “Instagram” ku shkruante: “Mirupafshim”.
28-vjeçarja aso kohe u dërgua në spital për ndihmë dhe pak ditë më pas reagoi sërish në rrjetet sociale, ku ju kërkoi ndjesë ndjekësve të saj.
