Adoleshentja Gabriela Sara Vasconcelos Assunção e cila njihet në fushën e modelingut dhe në rrjetin social Instagram e ka gjetur veten pas hekurave në Brazil pasi policia zbuloi foto inkriminuese ku ajo shfaqej dhe vallëzonte mes armëve.
19-vjeçarja u arrestua me dyshimin e trafikimit të armëve të shtunën, pasi oficerët tek fotot që ajo postonte e panë adoleshencën teksa puthte një pistoletë dhe duke pozuar topless reklamonte një pushkë.
Assunção është arrestuar edhe më parë me të dashurin e saj në muajin tetor, kur policia u gjeti një kuti me armë në makinën që po udhëtonin, në qytetin Bebedouro në shtetin Sao Paulo.
Në njërën prej fotografive ajo dukej se po puthte një pistoletë ndërsa gishti ishte mbështetur te këmbëza, ndërsa ajo u pa edhe në video duke kryer vallëzime të seksualizuara me armë të tjera.
Adoleshentja ishte në një sallon bukurie duke u përgatitur të shkonte në dasmën e motrës së saj kur u arrestua të shtunën, sipas faqes braziliane të lajmeve Metropoles. Tani ajo është urdhëruar të mbetet në paraburgim.
