Julian Ahmataj paraqiti dorëhoqjen e tij nga Tirana ditën e djeshme, pas humbjes së bardhebluve ndaj Skënderbeut, me rezultatin 2-1.
Ditën e sotme, presidenti i klubit, Refik Halili ka reaguar mbi këtë fakt, ku ka folur për “Panorama Sport”, duke deklaruar se nuk kishte komunikuar me Ahmataj deri në atë moment dhe e konsideroi dorëheqjen e tij si të nxituar.
“Të them të vërtetën, nuk kam folur fare me trajnerin. Më kanë thënë që ka paraqitur dorëheqjen. Do të kthehemi në Tiranë dhe do të flasim ballë për ballë. Jemi të dyja palët rrugës. Saktësisht, nuk e di se çfarë ka thënë në televizor. Nuk dua të spekuloj asgjë, sepse duhet të flas me trajnerin dhe të jap një përgjigje përfundimtare”.
Ndërsa i pyetur për deklaratën e Halilit sipas të cilit është sulmuar nga stafi i Halilit duke i ndërhyrë në punën e tij, Refik Halili përgjigjet:
“Në mënyrë kategorike, kategorike, kategorike. Trajneri ka pasur qetësinë më të madhe të mundshme. Flas nga presidenti deri te roja i fushës. Nuk mund të parashikoj se del në skuadër dikush dhe bëhet grup. Kjo është e paparashikueshme, por edhe ky është supozim. Me ato që ka thënë mendoj se është nxitim i madh i Julit. Ndoshta është lënduar nga rezultati, por mbështetja ka qenë e madhe nga të gjithë ne. Nëse ka ndonjë gjë të fshehtë… nga dikush nuk e di”.
