Është zhvilluar në qytetin e Pesaros seanca gjyqësore ndaj dy shqiptarëve Igli Meta e Marjo Mema të akuzuar për vrasjen e 17 vjeçarit Ismaelle Lulli në korrik të 2015 në komunën Sant’ Angelo in Vada në Itali.
22 vjeçari, Igli Meta, ka heshtur para gjykatësve e prokurorit të çështjes, por ka kërkuar të lexoj një letër të tij drejtuar familjarëve të Ismaelle Lullit, duke i kërkuar falje e keqardhje për krimin e kryer e për viktimën.
Gjithashtu Igli Meta ka lëshuar një deklaratë spontane ndaj bashkëpunëtorit të tij, Marjo Mema.
“Nuk mundem të konfirmoj”, është shprehur Meta se para se të vras Ismaelle, Marjo më ka thënë “po deshe vrite. Ndoshta dhe nuk ma ka thënë e nuk kujtoj mirë.”
Ndërsa prokurori i çështjes ka informuar se ndaj Igli Metas rëndon dhe akuza e torturës.
Policia mjekësore mbi trupin e viktimës ka vërtetuar se para goditjes vdekje prurëse në fyt, Ismaelle është goditur 4 herë me thikë në anën e djathtë të gjoksit, duke i shkaktuar torturë të rëndë fizike për shkak të lidhjes së trupit të tij e mbylljes së gojës me ngjitëse.
Për Prokurorin e çështjes hetimet për zbardhjen e plotë të kësaj ngjarje konsiderohen të mbyllura.
Igli Meta me anë të avokatit të tij i ka kërkuar trupit gjykues një rit të shkurtuar gjykimi, ndërsa Marjo Mema ka zgjedhur gjyqin e rregullt. /Oranews
