Një aksident i frikshëm është regjistraur mesditën e kësaj të premteje pranë rrethrrotullimit të Çermës në Lushnjë.
Një automjet tip Audi A4 ka dalë nga rruga duke u përplasur me mbikalimin metalik dhe shkatërruar në pjesën e përparme plotësisht. Mjeti drejtohej nga një femër, e cila po udhëtonte në makinë bashkë me djalin e saj.
Fatmirësisht të dy personat që ndodheshin në makinë, nënë e bir nuk kanë pësuar lëndime.
Drejtuesja e automjeti ka deklaruar se mjetin e kishte marrë me qira, por ai kishte filluar të dridhej gjë që solli dhe humbjen e kontrollit.
