Deontay Wilder, kampioni i botës i peshave të rënda “WBC”, do të ndeshet ditën e nesërme ndaj Luis Ortiz, ku do të jetë hera e dytë që ai përballet ndaj 40 vjeçarit kubanez, pas fitores një vit më parë.
Ai që ka reaguar ndaj kësaj ndeshje është rivali i Wilder, Tyson Fury, i cili kishte një mesazh për Wilder në prag të kësaj sfide.
Fury e ka konsideruar kubanezin një “plakush”, dhe i bën thirrje Wilder, që të mos dëmtohet nga kjo sfidë, për të qenë i gatshëm për sfidën mes tyre që pritet të zhvillohet më 22 shkurt të vitit 2020.
“Mos u dëmto para sfidës tonë të dytë, në këtë përballje që ke me një plakush. Mposhte atë dhe eja të përballesh me mua”.
“Më 22 shkurt, në Las Vegas, po vij për ty. Po stërvitem fort edhe gjatë Krishtlindjeve, pa marrë asnjë ditë pushim. Mos harro datën, 22 shkurt 2020, në Las Vegas”, thotë Fury.
Kujtojmë që sfida e parë mes Fury dhe Wilder, e zhvilluar një vit më parë, u mbyll në barazim.
😅 Tyson Fury sends a message to Deontay Wilder ahead of his rematch with Luis Ortiz on Saturday: “Don’t be getting injured in your return fight with this idiot, the old man. Get him done and meet me for battle.”
[🎥 @Tyson_Fury] pic.twitter.com/CiKYWTYSTZ
— Michael Benson (@MichaelBensonn) November 21, 2019