Skerdi Faria është kthyer në personazh VIP për rrjetin dhe kjo jo vetëm për humorin që përdor në Instagram, por edhe për profilin dhe raportin që ka vendosur me publikun si një nga më të komentuarit për operacionet plastike që u ka bërë personazheve te njohur të ekranit.
Skerdi Faria, i njohur edhe si Doktori i VIP-ave ishte i ftuar mbrëmjen e djeshme në emisionin “Glamour Zone”, ku tregoi shumë mbi operacionet plastike dhe VIP-at që i kanë bërë ato.
Moderatorja e ka pyetur nëse ka rastisur me VIP-a që ai u ka bërë operacione dhe publikisht ata kanë thënë se janë tërësisht natyral, Skerdi tregoi se ka ndodhur shpesh kjo gjë.
“Ka pasur raste sa të duash. Është jeta e tyre private dhe ne nuk kemi të drejtë që të ndërhyjmë. Mediat e kanë për detyrë që t’i gërricin çik VIP-at, të nxjerrin lajme. Por është edhe e drejta e tyre të thonë po kam bërë ndërhyrje ose jo”, tha Skerdi.
