Banorët e zonës së njohur si “Komuna e Parisit” në kryeqytet kanë kaluar disa momente paniku mbrëmjen e sotme, pasi janë dëgjuar disa të shtëna me armë.
Ngjarja ka ndodhur rreth orës 21:30 por fatmirësisht nuk raportohet për të lënduar. Ka qenë një njoftim në sallën operative të policisë që vuri në lëvizje uniformat blu.
Një grup i forcave “Shqiponja” dhe Komisariatit numër 2 ka shkuar në vendin e ngjarjes dhe ka nisur hetimet duke marrë në pyetje edhe banorë të zonës. Ndërkaq mësohet se janë marrë nga policia edhe pamjet e kamerave të sigurisë së bizneseve pranë zonës ku ndodhën të shtënat.
