Janë zbuluar dy shuma të tjera parash nga ana e Policisë, të grabitura në aeroportin e Rinasit pasditen e 9 prillit 2019, kur gjatë tentativës për t’u larguar mbeti i vrarë një prej autorëve, Admir Murataj.
Raportohet se policia i ka gjetur shumën prej 5 mijë eurosh shtetasin Elton Pikli. Ndërkohë, një shumë tjetër i është gjetur babait të Renaldo Sulës.
Gjithashtu mësohet se gjykata ka pranuar kërkesën e prokurorisë për marrjen e kampionit për të bërë analizën e ADN për Elton Piklin dhe Oltian Veselin.
Për grabitjen e ndodhur më 9 Prill në qeli ndodhen7 persona, i cilësuari si daja nga Kosova Ragio Hajdini, Elton Pikli, Renaldo Sulaj, Oltion Veseli, Saimir Cela, Alkond Bengasi dhe Hasan Kanaci ndërsa i vrarë nga shkëmbimi i zjarrit me policinë ditën e ngjarjes mbeti organizatori i grabitjes Admir Murataj. Në kërkim janë dy vëllezërit Klemend e Eldi Cala si dhe bashkëpunëtori i tyre Talo Çela.
Më 9 prill u grabitën 6 milionë euro nga avioni që i lëvizte drejt Austrisë. Kjo shumë u konfirmua nga tre banka të nivelit të dytë.
