Mbrëmjen e sotme do të zhvillohen ndeshjet e fundit e kualifikueseve të “Euro 2020”.
Grupi E, është grupi më i hapur, pasi aty luftohet për një vend në Europianin e verës së ardhshme mes Uellsit, Hungarisë dhe Sllovakisë, ndërsa e kualifikuar në këtë grup, në vendin e parë është Kroacia.
Momentalisht Hungaria ndodhet në vendin e dytë me 12 pikë të grumbulluara, ndërsa Uellsi është në vendin e tretë me vetëm një pikë më pak dhe Sllovakia në vendin e katërt me 10 pikë.
Uellsi dhe Hungaria do të përballen ditën e sotme në një sfidë direkte për kualifikimin ku të dyja skuadrat kërkojnë fitoren, pasi një barazim mes tyre dhe një fitore e Sllovakisë ndaj vendit të fundit të Azerbaxhanit i nxjerr të dyja skuadrat jashtë Europianit.
Një situatë interesante është dhe në grupin I, aty ku bëjnë pjesë Gjermania dhe Holanda të cilat do të luftojnë për kreun e grupit në ndeshjet e fundit respektove.
Gjermania kryeson grupin me 18 pikë dhe do të ndeshet me vendin e tretë e cila mbahet nga Irlanda e Veriut me 13 pikë, ndërsa Holanda e vendit të dytë e cila ka grumbulluar 16 pikë, përballet ndaj modestëve të Estonisë. Holandezët duhet të shpresojnë për një fitore të Irlandës së Veriut ndaj Gjermanisë për të marrë kreun e grupit por duhet theksuar që qëllimi i Holandës para eliminatoreve ishte kualifikimi në Euro 2020 pas një mungese në këto turne.
Ndeshjet zhvillohen sot, ora 20:45.
