U luajt në “Air Albania Stadium” ndeshja mes Shqipërisë dhe Francës, e vlefshme për Grupin H të eliminatoreve të EURO 2020.
Franca e kishte siguruar kualifikimin, teksa me fitoren e arritur ndaj kuqezinjve me rezultatin e pastër 2-0 siguron edhe vendin e parë në grup.
Për skuadrën tonë kjo ishte një ndeshje historike, pasi përveçse luanim ndaj kampionëve të botës, inaugurohej dhe stadiumi i ri.
Tifozët kishin mbushur plot stadiumin, teksa nuk pushuan së mbështeturi kuqezinjtë, edhe pse u gjendën mjaft shpejt në dizavantazh.
Tolisso shënoi në minutën e 8-të dhe më pas Griezmann në të 31’ i dhanë avantazhin francezëve që në pjesën e parë, rezultat që në fakt nuk ndryshoi as në 45 minutat e dyta.
Franca arrin kështu një fitore të rëndësishme në transfertë dhe merr tri pikët, duke siguruar vendin e parë në grup, ndërsa Shqipëria e mbyll fushatën eliminatore të Evropianit 2020 në vend të 4-t me 13 pikë.
