Të gjithë e mbajnë mend aktoren e njohur në serialin le “Streghe’ , Shannen Doherty (me emrin Prue në film), por më shumë se një vit pasi u diagnostifikua me kancer, aktorja ka zbuluar se kanceri ka filluar t’i përhapet në të gjithë gjirin.
“Kam kancer të gjirit, i cili ishte shpërndarë në nyjat limfatike. Pas një ndërhyrjeje mësuam se disa qeliza kancerogjene mund të jenë shpërndarë jashtë nyjave limfatike. Prandaj po bëj kimioterapi dhe pas saj do t’i nënshtrohem rrezatimit”, zbuloi aktorja gjatë një emisioni televiziv.
Është një udhëtim që Doherty ka nisur ta ndajë me ndjekësit e saj në rrjetet sociale. Muajin e kaluar ajo postoi një seri fotosh në Instagram, ku dokumentoi procesin e prerjes së flokëve, ndërkohë që kishte pranë nënën dhe miken e fëmijërisë.
“E panjohura është gjithmonë pjesa më e vështirë. A do të funksionojë kimioterapia? A do të funksionojë rrezatimi? Gjithçka tjetër është e kontrollueshme. Dhimbja është e kontrollueshme, të jetuarit pa gji, shqetësimi për të ardhmen dhe si do të ndikojë ajo tek njerëzit që do”, rrëfen ajo mes lotësh
